KINABUKASAN, nag-asikaso na agad sila ng paglabas. Si Allan na ang nagbayad ng bills niya sa hospital. Nagkanya-kanya rin sila ng sasakyan sa pagpunta sa bahay nina Jelly. Siya at si Allan. Si Ferry at Kyle. Sina James, Carol at Dave. Nauuna sila habang nakasunod ang dalawang sasakyan sa kanila.
Hawak nito ang kamay niya habang ang isang kamay ay gamit sa pagmamaneho. Hindi rin mawala ang ngiti niya habang nasa byahe sila.
“Kumusta si Alee? Handa na ba siyang makaharap ako?” nangangambang tanong nito. Nilingon niya ito pero ang mga mata nito ay nananatili ang tingin sa daan.
“Oo, after lunch sana balak na namin pumunta sa inyo pero nangyari nga ’to,” sagot niya.
“Siguro, way na rin ’to para ma-meet kami lahat ni Alee. Wala idea si daddy about her dahil hindi namin nabanggit ni momm
