“Pumayag si Samantha hindi dahil sa mahal ka niya kundi dahil gusto niyang matanggap siya ni Dave. May kasunduan sa pagitan naming tatlo at dehado roon si Samantha,” sabi nito. Nanlaki ang mga mata niya nang marinig ang sinabi ng ama.
Hindi siya makapaniwalang maririnig iyon sa ama. Na mahal siya ni Sam. Pero kahit kating-kati siyang magtanong ay tumahimik muna siya.
“Sinabi noon ni Dave na mamahalin at tatanggapin niya si Samantha bilang anak kung magpapakasal siya sa ’yo. Alam kong may pagtingin na si Sam sa ’yo pero nag-alangan pa rin siya. Dahil inisip ka niya, alam niyang hindi ka papayag. Ngunit dahil nakataya roon ang kagustuhan niyang mahalin ng ama, pumayag siya. Sinabi rin ni Dave na hanggang dalawang taon lang kayo magsasama at after two years, pwede na kayo maghiwalay. Ngayo
