Halos magmamadaling araw na ay hindi pa rin ako makatulog. Ginugulo ang isip ko ng mga sinabi kanina ni Luna. Ang wala siyang karapatang lumigaya. Buti naman naisip niyang wala nga siyang karapatan! Dapat lang...
Bumalikwas ako ng bangon. Nagpupuyos ako sa galit dahil hindi pala dapat siya ang magparusa sa sarili niya. Dapat ay mas ipamukha ko sa kanya ang pagkakamali niya.
Napasabunot ako sa aking buhok. Ginugulo niya ang isip ko. Ginugulo niya ang paniniwala ko kung ano siya. Ginugulo niya ang pagkatao ko. Sino ka nga ba talaga Luna? Bakit kahit gustong gusto kitang durugin, tinatraydor pa rin ako ng aking katawan. Bakit may kudlit ng awa sa sistema ko? Ano ba ang kailangan kong tuklasin? Hindi ba't nanggaling mismo sa bibig mo ang kasalanan mo!
Mula sa pagkakaupo ay muli akong nahig
