Akala ko pagkatapos naming maglinis ay maiiwasan ko na talaga si Sugar at iiwanan na niya kami. Pero hindi at tama si Elias, may ipinagpipilitan ito kay Luna.
"Luna sige na, ang tagal na nating hindi nag-bonding. Ilang bote lang naman. Get a life, friend!" ungot nito kay Luna. Hinawakan pa sa braso si Luna at bahagyang hinihila. Nakalapit na kami sa kanila kaya rinig na namin ni Elias ang usapan.
"Sugar, ayaw ko nga," mariing tanggi naman ni Luna dito.
"Isama mo si Lorenzo at Elias. O kaya mamili ka, sa bahay o sa inyo na lang? anitong pinipilit talaga si Luna.
"Anong pinag-uusapan nila?" tanong ko kay Elias na kasama kong nanonood sa dalawang babae. Hindi naman ako makasingit dahil mukhang sila lang naman ang makakaresolba ng pinagtatalunan.
"Kahit kailan, B.I tong si Titser Sugar,
