CHAPTER 70: Pagpapatuloy Ng Laban
~ CHELSA ~
NARARAMDAMAN KO ANG malakas na kapangyarihan ni Nate. At nakikita ko sa mukha niya na kontrolado niya ito. Ibang-iba na siya sa Nate na nakilala ko sa mundo ng mga tao. Mas naging hot siya. Hindi ko mapigilang mapangiti na may kasamang kilig kahit pa ramdam ko ang sobrang sakit ng tiyan ko na tinamaan ng kapangyarihan ni Togo. Pero alam kong nasaktan ko rin siya sa ginawa kong pag-atake sa kanya. Sapol siya sa dibdib niya ng pinakawalan kong kidlat mula sa aking mga mata.
“Tatayo ka na lamang ba diyan itim na diwata?” pasigaw na tanong ni Togo. Katapat ko na siya may layong ilang metro. Wala siyang hawak na sandata. Ang mga dahon niya ay umiikot-ikot na mas lumaki ang mga berdeng enerhiya ng liwanag. At ang mga pakpak niya na animo’y gawa sa
