“CALI!”
Lumingon si Cali pagkalabas niya ng bakuran sa harap ng bahay nila. Hawak niya ang isang walis tingting para magwalis sa kanilang bakuran. Pasado alas sais palang iyon ng umaga at maganda ang sikat ng araw. Nakita niya si Alice. Isa din ito sa mga kaibigan niya at kalaro niya noong bata.
“Magandang umaga Alice.” Masiglang bati niya dito.
Natigil ito sa pagwawalis sa harapan din ng bahay ng kaibigan. Humarap siya sa gawi nito habang ito ay lumapit naman sa bakod na nakapagitan sa bawat bakuran.
“Balita ko nililigawan ka daw ni Rupert. Totoo ba?” hindi makapaniwalang tanong sa kanya ng kaibigan habang namimilog pa ang mga mata.
Napangiti siya at bahagya lang tumango.
“Ang swerte mo naman! Kung isang kagaya ni Rupert ang manliligaw sa akin, ora-orada kong sasagutin talaga.
