Jacquiline Villanueva
Matapos ang gabi ng kaarawan ni Spade kung saan nagtapat siya ng nararamdaman para sa’kin, patuloy pa rin siya sa pagdalaw sa condo na parang walang nangyari. Normal pa rin ang pakikisama niya sa’kin. No’ng una naiilang akong kausapin siya, pero hindi nagtagal, parang wala namang nagbago. Gano’n pa rin siya. Mapang-asar, maingay at madaldal. Siya pa rin ang naghahanda ng kakainin ko. Minsan pag-ayaw ko ng pagkain, tinatanong niya ako kung anong gusto kong kainin at binibili naman niya agad ito. He took care of me. Ayoko sanang maging pabigat at istorbo sa kanya pero siya ‘yung mapilit. Ilang beses niyang sinabi sa’kin na gusto niya ang ginagawa niya at hayaan ko siya. Wala na akong nagawa.
Magdadalawang buwan na akong buntis at wala akong balak ipaalam kay Blake n
