"S-si Bangs? Kamusta si Bangs? Nasaan s'ya?"
Agad na lumapit si Iston at pinahiga siyang muli.
"Magpahinga ka lang muna. Kapag malakas ka na saka kita dadalhin sa kan'ya."
"Ayos lang ba s'ya?"
"Sa ngayon kinulong na muna namin s'ya sa isang kwarto dito."
Nanlaki ang mga mata niya rito. "Kinulong?! Ba't n'yo 'yon ginawa? Palayain n'yo s'ya! Sapat na ang pagkulong ng MNA sa kan'ya!"
"Kumalma ka. Hindi iyon tulad ng iniisip mo."
Bumaling siya kay Airah. "Ate Ai, please, dalhin n'yo ako kay Bangs," sumamo niya.
Umatras si Iston para bigyang daan si Airah sa pag-upo sa tabi niya. Inabot nito ang pareho niyang kamay at mahigpit na hinawakan upang kumalma siya.
"Huwag kang mag-alala, pinapangako kong ayos lang s'ya. Kinulong namin s'ya para hindi s'ya makapanakit ng ibang tao at wala s'y
