Mataas ang sikat ng araw, ang mga hayop ay nag-uumpisa na maghanap buhay kasama ang ibang magsasaka na nasa gitna ng palayan. Kababalik pa lamang ni Myle sa bahay mula sa paglilinis ng pinagdausan ng pagdiriwang, naabutan niya ang binata na mahimbing pa rin na natutulog sa sofa at naliligo sa sariling pawis.
Rich kids. Malamig na ang paligid at nakasagad na ang electricfan pero pinagpapawisan pa rin. Isa-isang binuksan ni Myle ang mga bintana, saktong pagdaing ng binata sa sikat ng araw na tumama sa kanyang mukha.
“Mabuti naman at gising ka na mahal na prinsipe.” sarkastikong usal ng dalaga na direktang nakatingin dito. “Kanina pa tirik ang araw, maski ang mga kalabaw ay kanina pa nagbanat ng buto, baka gusto mo na bumangon at umuwi sa inyo.”
“Ito naman, ang aga-aga ay inaatake na na
