Aligaga ang lahat, abala sa paghahanda sa idaraos na ika-anim na kaarawan ng nag-iisang prinsesa ng Hacienda Nevalga, si Mica. Hapon bago ang araw ng kapanganakan, abala na ang lahat ng magkakatay ng mga hayop, ang mga kasambahay na nililinis na ang buong pagdarausan at ang iba ay tumutulong sa pagbabalat ng mga rekado.
Lahat ay imbitado, mula sa mga pinakamababa hanggang sa nakakaangat. Ito ang nag-iisang kahilingan ng prinsesa sa kaarawan, na makasama ang mga kaibigan sa baryong kinalakihan. Masaya ang mga ama, sa murang edad ay marunong magpakumbaba at mamahagi ng biyaya ang mga anak kaya walang pagdadalawang isip na pumayag sa kagustuhan nito, maliban sa ina na ayaw makakita ng mga madudungis na bata na nakikipaglaro sa kanilang prinsesa.
“Kuya, sana bukas ay makadalo silang lahat at
