Namilog ang mga mata ni Henry sa kanyang nasaksihan at sandali siyang natigilan at natulala dahil doon. Hindi siya makapaniwala sa sinapit ng kaawa-awang matandang babae na iniligtas niya mula sa pagkakabilanggo sa palasyong ito. Hindi siya makapaniwala na siya pa ang nagdala sa mapait na kahahantungan nito. Mas mabuti pa sana kung hindi na lamang niya ito iniligtas doon sa kulungan, hindi sana mangyayari ang bagay na ito sa matandang babae na iyon.
“Kamahalan!” malakas na sigaw ni Carlito sa kanya habang ang ibang mga kasama niya ay patuloy na tumatakbo.
Akmang babarilin na din sana siya ng kawal na bumaril sa matandang babae, nang mabilis namang may sumulpot mula sa kung saan at malakas na sinipa ang kawal na iyon, dahilan upang mabitiwan nito ang hawak na baril. Saka niya lamang napag
