Nag-angat ng tingin si Lorenzo kay Edwin at walang takot nitong sinalubong ang mga tingin ng lalaki. “Malugod ko pong tinatanggap ang inyong kaparusahan sa akin. At nagpapasalamat po ako dahil sa kahabagan ninyo sa aking dalawang kasama,” wika ni Lorenzo kay Edwin na siyang hindi matanggap ni Henry.
Nahihibang na ba ang lalaki para pumayag ito na paslangin ito ni Edwin kapalit ng kaligtasan nila?
Nag-angat ng kilay si Edwin habang mataman na nakatingin kay Lorenzo. At pagkuwan ay umangat ang isang sulok ng mga labi nito. “Kung ganoon, tanggapin mo ang kaparusahan na ibibigay ko sa iyo,” wika nito saka nito itinaas ang hawak na espada. At nang akmang aatakihin na nito si Lorenzo ay mabilis na tumayo si Henry at walang kahirap-hirap na nasipa nito si Edwin.
Sa pagkilos niya ay mabilis din
