Sumenyas ang kasulukuyang hari na si Edwin Mavez sa kanyang mga kawal. At doo’y mabilis ngang pinakawalan ng mga ito ang mga bihag na hawak nila. Mabilis naman na nagsipagtakbo at lakad ang mga ito patungo kay Henry. At labis naman na nahabag si Henry sa mga taong tila nagkukubli sa kanyang likuran.
“Maraming salamat sa iyo,” naluluhang sambit ng isang matandang lalaki sa kanya. Naaalala niya ito. Ito ang matandang lalaki na tinulungan niya noong magtungo siya sa bayan kasama nina Lorenzo at Carlito. Ito ang matandang lalaki na inaapi at hinaharas ng kawal na siyang kinalaban niya.
Kung ganoon ay binihag pala ito ng mga walang pusong kawal na ito. Saka niya nakita sa tabi ni Edwin ang kawal na iyon na siyang nakalaban niya noong una at nanakit sa matandang lalaki na ito. Mayabang na naka
