Nagmamadaling naglalakad si Kaiden sa kahabaan ng hallway ng kanilang unibersidad patungo sa dean’s office. Kinakailangan niya kasing maipasa sa kanilang professor ang project na ilang gabi niyang pinagpuyatang gawin. At minuto na lamang ang binibilang at hinihintay bago matapos ang itinakdang oras ng pagpapasa ng mga ito.
Ngunit sa kanyang paglalakad ay naagaw ang atensyon niya ng isang babaeng tila nawawala sa lugar. Huminto siya sa paglalakad at pinagmasdan niya itong lumapit sa isang grupo ng mga kalalakihan upang doon ay magtanong. Lalampasan na sana niya ang mga ito ngunit kilalang mga loko-loko kasi ang grupo ng mga kalalakihan na nilapitan ng babae. At hindi niya alam kung bakit nakadama siya ng pangamba at pag-aalala para dito.
“Magandang araw, pwede bang malaman kung saan dito
