“PAANONG?! Mga mukha ko ang naririto?” simple kong nabanggit matapos kong mapagtanto na ang mga kandelebrang isa-isang umilaw kanina ay may iniilawan palang iba’t ibang pinta, hindi lang iyon basta-bastang pinta lingid sa kagandahan ay lahat ng iyon ay...
Mayroong mukha ko.
Merong habang ako ay naglalakad, nagbebenta, kasama si inay, mayroon din na habang ako ay may dala-dalang libro at marami pang iba. Tumigil ang pagkasunod-sunod ng mga ubra maestra sa mukha kong nakangiti habang nanood ng parada. Ito ‘yong araw bago ako napadpad sa unibersidad na ito. Paano nangyari ang mga ito? Paano n’ya nagawang pagmasdan ako at iguhit na lamang ng gan’yan kaganda? Higit sa lahat ay sino ang nasa likod ng mga ubrang ito? Hindi naman siguro ngunit si Uno kaya?
