“ITO ANG gagamitin mong kuwarto. Huwag kang papasok sa master’s bedroom nang wala akong sinasabi,” bilin ni Phoenix nang buksan niya ang guest room.
Napataas ang kilay ko sa sinabi niya.
“Kung ito ang magiging kuwarto ko, paano natin mabubuo ang anak na gusto mo?” Ibinalik niya ako sa kuwartong ginamit ko noong magkasama pa kami ni PJ. Ano naman kaya ang drama niya at ginawa niya ito?
Nagsalubong ang mga kilay niya nang tumingin sa akin. “Problema ba iyon? Ang kailangan ko lang naman sa iyo ay egg cell. Hindi na kita kailangang sipingan pa para makuha ko iyon. Gagamitin ko ang pera ng pamilya ko para makahanap ng pinakamagaling na doktor na magsasagawa ng invitro fertilization. Kung inaakala mong mapapaikot mo pa uli ako, nagkakamali ka. Nagbago na ako, Jenezel. Napagod na akong sumuno
