NANG sundan ko ng tingin si Phoenix ay napansin ko ang gray na van malapit sa likuran ng SUV. Ano kayang problema ng sasakyan na ito?
Napatingin ako sa suot kong relo. Alas-tres y media pa lang ng hapon. Mainit pa ang sikat ng araw. Wala ring katao-tao sa paligid. Panay nagtataasang building ang makikita sa lugar na ito.
Inilabas ko ang aking cellphone mula sa bag. Inilahad ko ang aking kamay saka kinuhanan ng picture ang aking mga daliri. Naka-ilang shots din ako sa iba’t ibang anggulo. Nang matapos ako ay namili ako ng dalawang picture at ipinadala iyon kay Lian.
Ilang minuto akong naghintay ng reaksyon mula sa kanya. Pero hindi siya sumasagot. Sinubukan ko siyang tawagan ngunit unattended ang sabi ng operator kaya ibinalik ko na lang sa loob ng bag ang aking cellphone.
Muli kong si
