Kinabukasan, naghahanda si Eve para sa kaniyang pagpasok. Hindi niya na nagawa pang tingnan o i-check ang kaniyang cellphone dahil abala siya sa pagre-review para makapasa sa mga long quiz mamaya.
Matapos niyang mag-asikaso ay lumabas na siya ng kanilang boarding house at akmang maglalakad na sana para pumunta sa sakayan ng bus. Pero, may biglang humawak sa kaniyang kaliwang braso kaya mabilis siyang napaharap sa taong gumawa n'on sa kaniya.
Sasapakin niya na sana ito pero nakita niya si David na matamis ang pagkakangiti sa kaniya.
"Good morning," pagbati ng binata sa kaniya.
Kumalma naman si Eve bago sagutin ang binata. "Good morning din."
"Kumusta ang tulog mo? Naging maayos ba?" tanong ni David sabay kuha ng mga bibit ni Eve na libro at siya na ang nagdala nang bago siya magsimulan
