Nagising si Charlotte na wala sa kaniyang tabi si Enver. Minulat niya ang kaniyang mga mata para igala ang kaniyang paningin sa loob ng kaniyang kuwarto. Nang hindi niya makita si Enver sa apat na sulok nitong kuwarto ay bumangon na siya at nalaglag ang kumot na tumatakip sa hubad niyang katawan.
Nasa sahig pa rin at nakakalat ang mga damit nila ni Enver dahil sa mainit na pinagsaluhan nila kagabi. Lumapit si Charlotte sa banyo para gawin ang palagi niyang ginagawa tuwing umaga. Nang matapos siyang maligo at magsipilyo ay nagtapis na siya ng kaniyang katawan at saka humarap sa malaki niyang salamin para mag-ayos at magbihis ng pambahay.
Nagsuot lang siya ng denim short na pinarisan ng puting sando. Nagligpit na rin siya at naglinis sa loob ng kaniyang kuwarto. Masiyado silang makalat ni
