KABANATA 26
Nilakad namin ni Carmela mula ground floor ng hospital hanggang fourth floor sa takot na may mangyari na namang nakakakilabot at hindi maipaliwanag sa elevator. Pero kahit na gano’n ay may takot pa rin sa dibdib ko dahil sa pagpapakita muli ng matandang babae. Natatakot ako na ang dahilan ng pagpapakita niya ay para saktan uli ang anak ko.
Kahit mahirap at nakakapagod ay pinilit kong makapanik sa fourth floor nang mabilis, nang higit pa sa kaya ko. Nang marating namin ang tapat ng kwarto ni Julliane ay agad kong binuksan ang pinto. Ibinaba ko ang bitbit kong bag at iniabot ko kay Tiya Susan si Let-let. Sinuyod ko ang buong kwarto at ang bawat sulok nito.
“Magda, may problema ba?” Nagtatakang tanong ni Tiya. Napatingin naman ako sa kanya at sa maliit na bandage na hugis paris
