KABANATA 25
Pagdating ko sa ospital ay mabilis akong naglakad papasok papunta sa may elevator na para bang hindi ko bitbit si Let-let sa bilis ng lakad ko. Hindi ko alintana ang bigat niya, pati na rin ang bigat ng bag na nakasukbit sa balikat ko. Nakasunod sa akin si Carmela na bitbit ang ilan pa sa mga gamit naming pamilya.
Nang nasa harapan na kami ng elevator, sakto namang bumukas at lumabas ang mga sakay nito. Mabilis akong pumasok, kasunod si Carmela.
“Carmela, fourth floor,” utos ko kaya pinindot na niya ang numero para sa 4th floor.
Unti-unti nang sumasarado ang pintuan ng elevator nang biglang huminto ito na para bang may pumigil at saka bumukas itong muli nang todo.
“May sasakay pa ata,” sabi ni Carmela.
Pareho kaming naghintay na may pumasok, pero dumaan ang ilang segundo
