Hinahanap ng mga mata ni Hyde si Blue. Kung saan-saang bahagi ng store lumanding ang kanyang paningin ngunit hindi pa niya nakikita si Blue magmula pa kanina no’ng pumasok siya.
“Nasaan kaya siya?” pabulong na tanong ni Hyde.
Mula naman sa stock room, lumabas si Philipp. Napatingin siya sa pwesto ni Hyde na nakatayo sa may counter. Kumunot ang kanyang noo at bahagyang nagsalubong ang mga kilay nito nang mapansin niyang tila may hinahanap si Hyde.
“Sinong hinahanap mo?”
Napatigil si Hyde. Lumunok siya ng tatlong beses. Kumabog ang dibdib niya nang marinig ang tanong na iyon mula kay Philipp. Hindi nakikita ni Philipp ang pagkagulat ni Hyde dahil nakatalikod ang pwesto niya mula rito.
Nanunuri naman ang tingin ni Philipp sa likod ni Hyde.
Pamaya-maya ay dahan-dahang humarap at tumingi
