Nakatayo sa tabi ng cashier si Hyde. Mataman lamang siyang nakatingin sa ginagawa ni Blue. Kinakabisado ni Hyde ang bawat kilos ni Blue sa harapan ng counter.
“Thank you,” magalang na wika ni Blue sa customer saka ibinigay rito ang resibo ng binili nitong gitara matapos ang transaksyon. “Kung sakaling magkaproblema sa gitara, pwede niyo siyang ibalik dito within seven days for replacement. Dalhin niyo lang ang resibo,” paalala pa ni Blue sa customer.
Ngumiti naman ng matamis kay Blue ang babaeng customer na halatang kinikilig sa presensya ng binata. Hindi naaalis ang tingin nito kay Blue na binabalewala naman ang ginagawa ng babae. Sanay na si Blue na pinagtitinginan ng iba lalo na at alam naman niya ang dahilan kung bakit.
Tumingin naman sa ibang direksyon si Hyde. Medyo naiinis siya d
