THIRD PERSON’S POINT OF VIEW
Nanatiling tuwid na nakatayo sa gitna ng hallway si Monique. Tulalang nakatingin ito sa dinaanan ni Luis na kanina pa wala sa paningin niya.
Mababakas sa mga mata ni Monique ang matinding kalungkutan. Inaasahan naman na niya na magiging malamig ang pakikitungo sa kanya ni Luis pero hindi pa rin niya napigilang masaktan ang loob.
Malalim na napabuntong-hininga si Monique.
Hindi naman niya namamalayan na palapit sa kinaroroonan niya si Mark at Jared. Sabay na naglalakad ang dalawa.
Hanggang sa huminto ang mga ito at tumayo malapit sa kanya.
“Ano bang ginagawa mo dito? Bakit ka lumipat ng eskwelahan at dito pa talaga?” magkasunod na tanong ni Mark na ikinatingin ni Monique sa kanila. Halata sa boses nito ang panlalamig sa kausap. “Sa dinami-dami ng estudyant
