Pumasok ako sa classroom. Naabutan kong nakaupo na sa kanilang mga upuan sila Jared at Mark. Huli akong dumating sa kanila dahil pumunta muna ako sa cr para umihi.
Nilagay ko sa upuan ko ang bag ko nang mapatingin naman ako sa mesa ko. Kumunot ang aking noo at nagkasalubong ang kilay ko dahil sa may nakapatong na bote ng chocolate drink na hindi ko alam kung kanino galing.
Tumingin ako kay Jared at Mark.
"Kanino galing 'to?" nagtatakang tanong ko sa kanila. Nang tumingin sila sa akin ay ngumuso ako para ituro ang chocolate drink.
"Sa kanya," si Mark ang sumagot saka may tiningnan nang masama. Sinundan ko nang tingin ang tinitingnan niya.
Si Monique na nakatingin sa akin at nakangiti.
Mahinang nagbuga ako ng hininga. Umiwas nang tingin sa kanya saka mabagal na umiling-iling. Kinuha ko
