Nasa labas ng store si Hyde. Nakatayo siya malapit sa may pintuan at nakatingin sa malayo habang nakapamulsa ang kanyang mga kamay.
May tumatakbo sa isipan ni Hyde at iyon ay ang naging usapan nila ng parents niya.
“Ano bang ginagawa mo? Bakit ka namamasukan bilang cashier?” mariing pagtatanong ng ama ni Hyde.
Hindi sumagot si Hyde. Nakatingin lamang siya sa daddy niya.
“Oo nga anak. Ano bang pumasok sa utak mo at nagtatrabaho ka doon?” pagtatanong naman ng mommy ni Hyde sa kanya. “Pwede ka naman sa company natin,” dagdag pa niyang sambit.
Nalaman ng mga magulang ni Hyde ang ginagawa niyang pagtatrabaho sa store ni Blue kaya naman ninais ng mga ito na kausapin siya ng masinsinan. Nasa loob sila ngayon ng home office ng daddy ni Hyde.
Bumakas naman ang pagkainis sa mukha ng daddy ni H
