Pinatay ni Luis ang apoy sa kalan. Sa ika-apat na beses ay muli niyang tiningnan ang orasan na nakasabit sa may pader. Kumunot lalo ang noo ni Luis at nagsalubong ang kilay niya.
“Anong oras na. Bakit wala pa siya?” pagtatanong ni Luis sa hangin. Halata na ang pagkainip sa kanyang mukha.
Kanina pa naghihintay si Luis sa pagdating ni Blue ngunit lumipas na ang halos isang oras matapos nilang mag-usap sa telepono kanina ay hindi pa dumarating ang nobyo sa bahay. Nagbuga siya ng hininga.
Inalis ni Luis ang tingin niya sa orasan at nilipat sa mesa. Tiningnan niya ang mga nakapatong sa ibabaw nito. Napabuntong-hininga siya ng malalim dahil kanina pa nakahain sa mesa ang mga pagkaing inihanda niya para sa hapunan nila ni Blue.
“Nasaan na kaya siya?” pagtatanong muli ni Luis. Pamaya-maya ay n
