THIRD PERSON'S POINT OF VIEW
Hindi pumasok ng klase si Monique pero pumasok siya ng eskwelahan. Nakaupo siya sa hagdanan sa fire exit at nag-iisa.
Mababakas sa kanyang mukha ang kalungkutan. Hindi maitatanggi ni Monique na nasasaktan siya ngayon lalo na at pakiramdam niya ay wala ng pag-asa para sa kanilang dalawa ni Luis.
Pero ngayon pa ba siya susuko? Nandito na siya dahil sa dahilang gusto niyang mabawi ang lalaking minsan ng naging kanya. May nararamdaman pa din siya para dito kaya kailangan niyang ibuhos na ang lahat, subukang mabawi ito para wala rin siyang pagsisihan sa huli.
Malalim na bumuntong-hininga si Monique.
"Ang lalim naman niyan."
Nagulat si Monique at mabilis na napatingin kay Jared na bigla na lang lumitaw mula sa kung saan. Matamang nakatingin ito sa kanya. Tipid
