Kasalukuyang nasa labas silang lahat at kumakain sa long table nang mapansin ni Pearl na tila may kulang sa kanila.
"Nasaan si pogi?" sabay napatingin siya kay Bea na katabi si Stephen at ang tinutukoy nito ay si Aldrin.
Tila napaisip rin ang dalaga at palingon-lingon sa paligid nila.
"Umalis na siya kaninang madaling araw. Masama raw ang pakiramdam niya." Tugon ni Leo sa kaniya. Alam na din ni Bea ang tungkol sa pagpapanggap nina Stephen at Pearl, dahil ikinuwento ito ng ginoo sa kaniya pati na rin ang tungkol kay Sofia.
Halos pare-pareho silang matamlay at malalim ang iniisip. Pwera lang kay Bea at Stephen na maganda ang gising at nagkasundo na.
Pagkatapos nilang kumain ay nagligpit na sila kaagad ng mga kani-kaniyang mga gamit. Sa pagkakataong iyon ay si Stephen naman ang nag-volun
