Makalat.
Gulo-gulo ang mga gamit.
Nagkalat ang mga papel sa paligid at nakatumba ang mga upuan sa kusina.
Basag din ang mga plato pati na baso.
Ito ang tumambad kina Avanie, Cien at Riri pagkauwing-pagkauwi nila.
"Anong nangyari rito?" gulat at hindi makapaniwalang tanong ni Cien.
"Mukhang pinasok tayo ng magnanakaw," sagot ni Riri, agad siyang pumunta sa kwarto at gaya sa labas, nagkalat din ang mga gamit dito. "Kahit dito magulo rin!"
Lumabas ang tatlong Dal at nagsimulang mag-imbestiga para malaman kung anong nawala sa kanila. Binuksan ni Satari ang isang cabinet sa may kusina. Si Fegari naman sa banyo, at nagpunta rin kwarto si Izari.
Makaraan ang ilang sandali, bumalik sa sala si Riri. "Nagulo lang 'yong mga gamit pero wala namang nawala. Mukhang may hinahanap kung sinoman 'yo
