IMEE'S POV
"TAWAGAN MO ako agad kapag nakausap mo ulit siya, ha?"
Ang hindi ko maintindihan sa ibang babae, kahit mahal pa nila, ang tataas ng pride. Diyos ko naman, sa edad naming ito, pabebe pa ba ang uso ngayon?
Itong si Ainna, obvious naman na mahal na mahal pa rin si Sehun at alam naman niyang hinahanap siya ng lalaki pero ayaw pa rin magpakita. Alam naman niya ang nangyari noon. Aware siya sa rason ni Sehun kung bakit ito nakipag-break sa kaniya. Kaya nga hindi nito kayang magalit sa lalaking iyon dahil alam niya ang totoong rason.
Siya rin ang nag-utos sa akin na puntahan si Sehun kahapon. Dahil nakita niya itong nakaabang na naman sa kaniya sa condominium kung saan siya dati nakatira… na bili ng tatay ko sa kaniya. Pinalabas niya lang na renta para hindi magtaka iyong nanay ni
