Tinitigan ko si Luna na nakatalikod sa akin habang nagluluto sa harap ng stove.
Nakabihis na ako ng uniporme ko na lagi kong sinusuot tuwing papasok ako sa eskwelahan.
Kanina pa ako nakatitig kay Luna, binalak ko na siyang tawagin kanina pero napahinto ako.
Pakiramdam ko kasi ay nangyari na ang ganitong pangyayari, 'yong nakatalikod sa akin si Luna habang nagluluto.
"Maupo ka na," aniya na hindi ako tinitapunan man lang ng tingin kaya napangisi ako bago mapailing.
Natatandaan ko na.
'Yon 'ata 'yong unang araw niya rito sa bahay at naabutan ko siyang nagluluto at tulad din no'n ay pinaupo niya ako sa upuan kahit na hindi pa niya ako nililingon.
Naglakad ako palapit sa lamesa at binaba muna ang bag sa may upuan.
May mga plato at kutsara na sa ibabaw ng lamesa, may kanin na rin kaya s
