LUNA's POV
Simula nang nangyaring gulo sa pagitan nila Brain no'ng nakaraang araw para bang may napansin akong mali kay Kenan.
Parang naging tahimik siya at para rin siyang ilag sa amin.
Ni hindi na nga siya nakakatagal sa pakikipagtitigan sa akin.
Madalang na siyang sumabay sa amin sa pagkain.
Lagi lang siyang tahimik at laging nasa k’warto, kung lalabas naman siya wala siyang kinakausap.
Gusto niyang lagi lang siyang mag-isa at ayaw ng kausap.
Parang ang lalim din ng mga iniisip niya.
Kung kakausapin ko naman siya ay sinasagot niya naman ako pero ang lamig, ang lamig ng pakikitungo niya sa akin na para bang hindi niya ako asawa.
Pakiramdam ko ay bumalik kami sa umpisa, sa una naming pagkikita.
Napapabuntong-hininga na lang ako at napapailing dahil sa nangyayari ngayon kay Kenan
