Simula nang mangyari ang gulo sa pagitan namin nila Brain no'ng nakaraan parang bumalik kami sa dati— hindi, parang bumalik ako sa dati.
Dati kung saan hindi kami nag-uusap-usap.
Dati na parang kakakilala pa lang namin sa isa't isa.
Mailap na tila may iniiwasan.
Hindi ko na kasi maiwasan ang hindi mag-isip nang mag-isip sa tuwing naaalala ko ang mga sinabi sa akin ni Brain.
Alam ko na may ibig sabihin ang lahat nang 'yon.
Sigurado ako.
At dahil sigurado ako, gusto kong malaman ang bagay na 'yon.
Ilang araw na ang nakakalipas simula no'ng mag-abot-abot kami nila Brain pero ang mga sugat at pasa ko sa katawan ay sariwang sariwa pa kaya naman ngayon ay nasa banyo ako habang nakaharap sa salamin at gingamot ang sariling sugat gamit ang bulak at alcohol.
Napapangiwi ako sa tuwing makak
