KENAN's POV
Napabalikwas ako nang bangon nang makarinig ako ng ingay na para bang nagsusuka o naduduwal na nanggagaling sa banyo kaya kahit na nahihilo pa ako dahil sa antok, agad na akong napatakbo lalo na nang mabosesan ko ang taong 'to.
'Si Luna.'
Pagbukas ko ng pinto ng banyo, agad na bumungad sa akin si Luna na nakadukmo sa lababo habang naduduwal, para bang nawala ang antok ko dahil sa nakita ko.
"Luna? What happened to you?" nag-aalalang tanong ko rito at agad siyang nilapitan upang alalayan.
Inayos ko ang buhok niya bago iharap sa akin ang kaniyang mukha upang tingnan kung ano ang nangyayari sa kaniya.
Namumutla siya.
Agad kong inilagay ang likod ng palad ko sa noo niya upang tingnan ang temperatura niya.
"I'm okay," anito na hinimas pa ang kamay ko na nakahawak sa kaniya.
