ANNIE'S POV
Nakatayo ako sa likod ng bintana, pinagmamasdan ang bawat nangyarisa labas ng bahay. Ramdam ko ang panginginig ng katawan ko—hindi dahil sa takot, kundi dahil sa halo-halong emosyon na pilit kong itinatago.
Nakita kong tumayo siya roon sa harap ng gate, tila hindi makapaniwala sa nangyari. Hinawakan niya ang pisngi niyang tinamaan ni Kuya Digs, pero mas masakit ang sugat na iniwan niya sa akin.
Nang makita kong tuluyan na siyang lumayo sakay ng kotse niya, napaupo ako sa gilid ng kama. Malalim akong huminga, pero parang hindi ko magawang pakalmahin ang dibdib ko. Ang sakit, parang hindi nauubos, parang hindi nauupos.
"Annie?"
Napalingon ako kay Kuya Digs na kakapasok lang sa kwarto ko. Kita sa mukha niya ang pag-aalala, pero hindi ko magawang ngumiti man lang para ipakita
