JADE
Nadatnan ko si Tristan na nakaupo at nakatukod ang dalawang siko habang sapo ang ulo nito. Pakiwari ko'y malaki ang naging epekto sa kanya ng pagkikita nito at ni Lucas.
Tumabi ako sa kanya. Alam ko na naramdaman niya ang presensya ko pero nanatili lang siya sa kanyang posisyon.
"Wala akong naiintindihan sa nangyayari. Hahayaan kita magpaliwanag at handa akong makinig. Pero sa ngayon, si Lexus muna ang isipin natin. Gusto ko malinawan, Tristan. Gusto ko malaman ang totoo," sabi ko na hindi ito tinapunan ng tingin.
"Wala akong dapat na ipaliwanag, Jade. Dapat sa akin ka maniwala dahil ako ang asawa mo. Anak natin si Lexus. Mas maniniwala ka ba sa sinasabi niya, eh, kailan mo lang siya nakilala?" tila hindi makapaniwala na turan niya.
"Wala akong sinabi na naniniwala ako kay Lu
