LUCAS
Maaga akong pumasok sa opisina para kausapin si Irma at ang mga empleyado ko. Ayaw ko makakarinig ng kung anong mga usapan sa opisina. Kailangan ko muna ayusin ang gusot sa kompanya. Pagkatapos ay makakapag-focus na ako sa paghahanap sa mag-ina ko.
Pagdating ko sa Maynila ay sinadya ko si Thread kahit gabi na. Sinabi ko sa kanya lahat ng nangyari sa akin sa probinsya. Maging siya ay hindi makapaniwala na buhay ang asawa ko. Magkagayon man ay sobra ang tuwa niya dahil buhay pala ang inaakala naming patay na. Mas lalo itong natuwa ng nalaman nito na may anak kami ni Dee.
Pinag-usapan namin ang tungkol sa pagharang sa bawat airport ng Pilipinas. Tinawagan agad niya ang mga kakilalang pulis para simulan ang pagbabantay sa airport. Nakaantabay na rin ang mga bawat naka-duty sa depar
