JAYDEE
Mabilis akong tumakbo palapit sa kinaroroonan ni Lucas. Niyuyugyog ito ni Lexus pero walang makitang paggalaw mula rito.
"L-Lucas?" tawag ko rito ng lumapit ako. Ngunit katulad lamang kanina ay walang senyales na kumikilos ito.
Dinala ko ito sa aking hita at kinulong ko siya sa aking braso. Muli ko siyang niyugyog ngunit wala pa rin siyang response sa ginawa ko.
"Daddy…" tawag ni Lexus at niyakap ang ama nito. "Daddy, huwag ka po matulog dito. Madumi dito, daddy…" palahaw na iyak ng anak ko.
Binalingan ko si Lexus. Halos maghalo na ang sipon at luha nito dahil sa pag-iyak. Kapag-kuwa'y niyakap ko siya at wala na akong marinig sa paligid namin kung 'di iyak namin mag-ina.
Naaawa ako sa anak ko dahil wala itong kaalam-alam na nabaril ang daddy nito. Ang buong akala nito ay
