JAYDEE
"L-Lucas…" nanginginig ang boses na usal ko. Natatakot ako sa kahihinatnan naming dalawa. Hindi naman lingid sa kaalaman niya na may kasama pa ang mga lalaking ito.
"Tanggalin n'yo ang tali ng asawa ko. Bilis!" utos niya sa dalawang lalaki habang nakatutok ang baril sa harap ng mga ito at nilipat kay Celine na hindi ko makitaan ng takot.
"Tandaan mo, Lucas, hawak ng mga tauhan ko ang anak mo. Isang sabi ko lang sa kanila, patay ang anak mo," pagbabanta niya kay Lucas.
"Paano mo sasabihin, tatawagan mo, gano'n ba? Sige, tawagan mo, pero bago mo gawin iyon, nakahandusay ka na sa sahig!" pagbabanta ni Lucas.
Imbes na masindak ay tumawa lang si Celine. Tila wala itong pakialam na mamatay.
"Hindi naman ako natatakot, Lucas. If you want me to die, go on. Pull the trigger. Baliw
