JAYDEE
"Ano na naman ang problema mo, Celine?" bungad na tanong ko rito. Nagtatanong naman ang tingin na binalingan ako ni Josa. Wala kasi itong alam tungkol sa hidwaan namin ng babaeng ito.
"Gusto lang kitang makausap," sagot nito. Nagsalubong naman ang kilay ko. Pakiwari ko'y ibang Celine ang kaharap ko ngayon. Tila naging maamong tupa ito sa harap ko. Nagtataka tuloy ako kung bakit biglang nagbago ang pakikitungo nito sa akin ngayon.
Binalingan kong muli si Josa. "Iwan mo muna kami, bakla," pukaw ko kay Josa na nakatingin kay Celine.
Tumango ito saka tumayo at tinalikuran na kami. Umupo si Celine sa inalisan ni Josa. Kakaiba talaga ang awra nito ngayon. Kung hindi lang ito tulad ng mga unang pagkikita namin ay baka nakatikim na naman ito ng maanghang na salita mula sa akin. Pero
