LUCAS
Kasabay ng pagbuhos ng ulan ay ang matinding trapiko sa daan. Sumabay ang rush hour kaya heto ako ngayon, usad pagong ang sasakyan.
Habang papalapit ako sa Makati Police Station ay labis na naman ang kaba na nararamdaman ko na hindi ko mawari. Ayoko mag-isip ng hindi maganda pero hindi ko maiwasan.
Nakikipagsabayan na rin ako ng busina sa mga ilang sasakyan. Halos makipag-agawan ako ng daan sa mga sumisingit na motorsiklo sa gawi ko. Kung maiksi lang ang pasensya ko ay baka nakipag-away na ako sa mga sigang ito sa kalsada dahil kala mo ay pagmamay-ari nila ang daan. No wonder kung bakit naaksidente noon si Dee, dahil nagawa rin nitong makipag-gitgitan sa mga kasabayan nitong sasakyan.
Napabuga ako ng hangin ng sa wakas ay umuusad na ang mga sasakyan. At dahil ayaw magpalamang
