Naningkit ang mga mata ni Amaryllis. "Ano'ng sabi mo?"
Ngumisi ito at hinawakan ang baba niya. "Ang katawan mo ang kapalit ng kalayaan ng isa sa kanila," sagot nito. Dinig niya ang mahinang mura ng kuya niya at ni T-Ross.
Tinabig niya ang kamay nito. "Ano tingin mo sa 'kin hipon? Kain katawan, tapon ulo?" angil niya. G*go 'to ah?!
Umiling ito sabay gigil na hinawakan ang leeg niya at isinandal sa pader. Saglit siyang hindi nakahuma dahil sa bilis ng naging kilos nito na hindi niya napaghandaan. Idiin nito ang pagkakasandal niya sa pader habang nakabaon pa rin ang kamay sa leeg niya. Nakaramdam siya ng pag-ikot ng paligid pero pilit niya itong nilabanan.
Napasinghap siya dahil tila mauubusan siya ng hangin pero hindi siya nagpakita ng anumang takot dito. Bagkus ay isang ngisi ang sum
