Habang binabaybay ang paakyat na daan, patungong beach house. Abot-abot ang t***k ng puso ni Ataska. Kanina pa lang sakay ng motorboat ay nanlalamig na siya, tila babaliktad ang kaniyang sikmura. Ni sa masamang panaginip hindi niya naisip na muli siyang tatapak sa lugar na ito.
"Ataska! Madam!"
Lumipad ang tingin nila sa sumasalubong na si Nanay Rosa. Nasa b****a ito ng pintuan kasunod ang dalawang kasambahay.
"Rosa," nakangiting bati ni Mama Frida nang makalapit sila sa mga ito. "Kumusta kayo dito? Hindi ako naabisuhan na inalis pala ang pantalan."
Alanganing ngumiti ang matanda. "Opo Madam, pinatanggal ni..." sumulyap ito sa kaniya bago, "Sir Fletcher."
"Nandiyan ba siya?" Sumenyas si Mama Ida sa dalawang kasambahay na bitbitin ang mga gamit nila bago nagpatiunang pumasok sa loob
