KASAMA ni James ang mama nito at si Matthew. Ang ama ng mga ito na may sarili nang pamilya sa ibang bansa ay nabanggit na padadalhan na lamang daw ng imbitasyon. Matapos ilagay sa mesa ang pagkaing dala ng mga ito ay nagsimula na ang seryosong pag-uusap.
Umiiwas si Rachel na tumingin kay Matthew. Alam niyang nagtatanong ang mga mata nito at nakadama naman siya ng hiya.
Magkatabi sila sa upuan ni James. Nang gagapin nito ang kamay niya ay hinayaan na lamang niya. Nakadama siya ng panlalamig. Gusto man niyang hilahin ang kanyang kamay ay may takot siyang baka magtaka ang mga naroroon.
Wala siyang kibo habang pinag-uusapan ang mga detalye ng kasal nila. Sina Rona at Heidi na mukhang mas excited pa sa kanya ang hindi halos magkasundo sa pagbibigay ng suhestiyon. Hinayaan n
