NANG magmulat si Rachel ng mga mata ay nasa loob na ng silid si James. Naidlip pala siya paghiga niya sa kama. Sinabi nitong gumayak na sila sapagkat malapit nang magsimula ang party.
Nang tunguhin niya ang banyo ay bitbit na rin niya ang damit na isusuot niya. Isang haltered dress iyon na empire-cut. Kulay-lumot iyon na lalong nagpatingkad sa kaputian niya. Kung hindi lamang sa flat sandals na katerno niyon ay hindi mag-iisip ang iba na buntis siya. Itinago kasi niyon ang umbok ng kanyang tiyan.
Nag-apply siya ng makeup, in earth tone at manipis lamang. Ang emphasis ay nasa mga labi niyang nagmukhang glossy sa kanyang lipstick. Ternong perlas na hikaw at choker ang tanging alahas niya sa katawan. Tiwala siya sa sariling sapat na ang accessory niya. She wanted to be simple,
