"KAAWAAN ka ng Diyos, anak. Buti't hindi ka masyadong inabot ng gabi. Tamang-tama ---"
"Mano rin po, Ma... Papa."
Parang may anghel na dumaan nang biglang nanahimik ang lahat. Mula sa labas ay biglang sumulpot si Brix at parang walang anumang sumingit sa usapan. Una itong tumungo at nagmano sa Mama Adelaida niya, pagkuwa'y sa kaniyang Papa Isador.
Blangko ang ekspresyon ng kaniyang ina sa ginawa nito. Samantalang napatingin na lang kay Catalina ang kaniyang ama na nagtatanong ang mga mata. Maging siya ay speechless din kahit expected na niya ang pangyayaring 'yon. How come Brix acted as if matagal na itong miyembro ng pamilyang iyon?
"S-Sino siya, anak? Ang kasama mo?" tanong ulit ng mama niya. Nasundan na lang ng mga ito ng tingin si Brix na kasalukuyang inaayos sa isang tabi ang mg
