"HINDI mo na kailangan gawin 'yan, 'nak. Ayos lang naman kami rito nina Papa at mga kapatid mo. Parinig lang naman ang ginagawa ng napurnada mong biyenan dito. Hindi na lang naman namin iniintindi," mahabang pagtutol ng Mama niya.
"Oo nga. Eh magsasayang ka lang ng panahon at pamasahe mo para puntahan lang ang babaeng iyon dito. Maa-absent ka na naman niyan sa trabaho mo. Hayaan mo na kami ang humarap sa kaniya ng mama mo," segunda naman ng kaniyang ama.
Napabuntong-hininga si Catalina. "Ayoko pong nahihirapan kayo riyan. Para matapos na rin po lahat ng 'to. Sa totoo niyan, may ipagtatapat po ako sa inyo. Tungkol kay Harry. Pero saka ko na lang sasabihin sa inyo kapag nakauwi na ako," sagot niya.
"Sige. Hindi ka na namin pipilitin ng Papa mo kung desidido ka talaga. Bakit? May ginawa b
