EVAN LEE
Mula sa opisina ko ay tanaw na tanaw ko ang pagsakay nina Cha at nung Brent sa taxi sa baba saka sila umalis. Habang pinapanood ko sila ay nakadama ako ng kakaibang damdamin. At hindi ako sigurado sa nararamdaman ko. Para akong nalungkot na makita silang dalawa na magkasama. Hindi ako masaya sa kaalamang si Brent ang kasama ni Cha na lumabas ngayon. Ewan ko ba kung bakit ko nadama iyon. Hindi ko kilala si Brent personally. Kahapon ko pa lamang siya nakita at base sa napanood kong pag-uusap ng dalawa kahapon sa lobby ay halatang magkakilala na sila at mukhang close pa.
Ngayon ko lang naramdaman ang ganito. Sa totoo lang ay nanibago ako. Hindi ko alam kung bakit pero may kurot dito sa dibdib ko. Ayoko na sanang pansinin pa pero paulit-ulit lang sa utak ko. Naguguluhan ako. Ayoko
