THIRD PERSON'S POV
NAPAHAWAK si Rica Belmonte sa kaniyang tiyan nang sandaling lumabas ang doctor at sinabi sa kaniya ang kaniyang lagay. Namasa ang kaniyang mga mata nang sabihin nito na ligtas anak niya. Tuwa sa puso ang naramdaman niya nang malaman iyon mula sa doctor kaya naman, laking pasasalamat niya at agad siyang isugod dito sa hospital. Hindi niya yata kakayanin kung sakaling may nangyaring masama sa kaniyang anak. Hindi niya alam kung ano ang susunod na gagawin sakaling ipagkait ito sa kaniya ng tadhana.
Mabuti na lang at tulad niya, matapang ang kaniyang anak. Mabuti na lang at hindi ito basta-basta sumusuko at nananatiling makapit sa kaniya. Mabuti na lang at hindi siya iniwan ng kaniyang anak dahil kung sakaling iwan siya nito, hindi na niya alam kung saan siya pupulutin. Sa
